Frukt, bær og krydder

Balder Brygg ligg på Leikanger i Sogndal kommune, langs nordsida av den lange Sognefjorden, mellom Balestrand i vest og Sogndal i aust. Fjell, isbrear og fjord omkransar Leikanger og gjer plassen til ei naturperle rik på opplevingar for dei naturglade, med eit klima som er unikt og frodig.

Førsteklasses eple, pærer og ulike bærsortar, i tillegg til naturlege krydder- og konserveringsurter, er difor eit kjenneteikn på Leikanger.

Heimebryggartradisjon

Det faktum at Leikanger har 35–40 aktive heimebryggarlag, understøttar forankringa vår og gir Balder Brygg eit eineståande utgangspunkt for å vidareutvikle desse vestnorske tradisjonane. Betre styring av prosessen og bruk av moderne gjærkulturar skal sikre resultatet og tydeleggjere profilen vår.